Доколку сте огромен фан на конзолата на Sony, тогаш шансите се дека веќе сте претплатник на PlayStation Plus и PlayStation Now. Ова се две исклучително добри претплати кои за 60 долари годишно (значително поевтино може да се најде од надворешни продавници), секој месец ви се отклучуваат интересни игри за играње. Овој месец се појавија исклучително квалитетни игри кои би требало да ве забават и правилно да ве вовлечат во новогодишните празници!
PlayStation Plus игри за месец ноември:
Knockout City | PS5 & PS4 – Одлична и невообичаени игра за мрежни пресметки каде единственото оружје е топката која ја користите
First Class Trouble | PS5 &PS4 – Следниот еволутивен чекор на добро познатата Among Us
Kingdoms of Amalur: Re-Reckoning | PS4 – Една од најдобрите RPG игри, од генијалните умови на АР Еј Салватор, Род Мекфарлан и Кен Ролстон
The Persistence | PS VR- Научно фантастична акциона хорор rogue lite игра
The Walking Dead: Saints & Sinners – Standard Edition | PS VR – Една од најдобрите VR игри конечно се овозможува за сите PSPlus претплатници. Доколку можете, играјте ја на PS5!
Until You Fall | PS VR – Игра за која ветуваме дека ќе ослабнете некое килце доколку ја играте секојдневно. Станете едно со музиката и соочете се со непријателите преку целосно раздвижување на вашето тело.
Што е PlayStation Plus?
PS Plus е претплатничка услуга каде, по цена од 60 долари, можете цела година да играте мрежни игри, но и бесплатно да добивате по две игри секој месец. Се додека сте претплатени на PS Plus, игрите ќе бидат бесплатни за играње, но еднаш кога претплатата ќе истече, нема да можете да ги играте игрите се додека одново не се претплатите. Иако 60 долари се чини како многу, често се случува претплата да падне на 45 долари, а, на некои сајтови паѓа и до 35 долари. Доколку зграпчите претплата од 35 долари, добивате две игри по цена од 150 денари, што навистина не е лошо.
PlayStation Now игри за месец ноември:
Mafia: Definitive Edition – Често етикетирана како поозбилна форма на GTA, се работи за исклучително квалитетен римејк со комплексна приказна и гејмплеј механики.
Celeste – Добро познатиот акционен платформер кој доаѓа од истиот тим задолжен за TowerFall Ascension.
Totally Reliable Delivery Service – Сами или со уште тројца пријатели пробајте да ги однесете сите пратки и избегнете го хаосот кој ви се заканува
Final Fantasy IX – Една од подобрите игри од надалеку познатиот RPG серијал може да се стрима или преземе директно во вашата конзола.
Што е PlayStation Now?
PS Now е претплатничка услуга каде, по цена од 60 долари, можете цела година да играте стотици игри, или да ги стримувате на конзолата, па дури и каков било компјутер. Листата од игри постојано се менува, но никако не е за потценување. PS4 игрите кои се на листата можете да ги преземете или да ги стримувате, односно инстантно да започнете со нивно играње, преку интернет конекција. PS3 игрите, како Red Dead Redemption можете само да ги стримувате. Кога се работи за играње игри на облак, можете игрите да ги играте и на каков било компјутер, користејќи контролер, иако строго ја препорачуваме употребата на оригиналниот PS4 контролер за играње од компјутер.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
