Tастатурата на Microsoft која досега беше достапна единствено на Windows Phone, сега е достапна и за iPhone. Word Flow најверојатно е најдобрата тастатура која овозможува пишување со една рака, и е навистина корисна за корисниците кои сакаат телефони со поголем екран. Буквите се распределени полукружно, па секојпат се на дофат на палецот што го олеснува користењето. Слично како и останатите тастатури, и Word Flow доаѓа со предвидување на зборови, дел од нив доаѓаат од речник, а имињата на пријателите од именикот на телефонот.
Засега тастатурата е достапна на App Store во САД, но наскоро се очекува да биде достапна глобално, а најавена е и верзија за Android телефони. Но, доколку сакате да ја симнете веднаш, тогаш сменете ја локацијата на iTunes Store.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
