Visual.ly, сервисот за креирање и собирање на инфографици, претстави алатка која ќе ви го олесни претставувањето на вашиот сајт пред потенцијалните клиенти. Сервисот објави алатка со која може да ги претворите статистиките од Google Analytics во убав инфографик само со неколку клика.
„Повеќе од 10 милиони корисници ги користат бесплатните Google Analytics за да ги следат активностите на својот веб сајт. Работат добро и ние ги користиме самите. Но, со нашето искуство во дизајнирање на визуелно искуство богато со податоци, знаевме дека може да бидат подобри.“, вели Visual.ly на својот блог.
Google Analytics инфографиците кои се креирани со алатката на Visual.ly нема да мора да ги креирате нон-стоп, туку тие ќе ви бидат доставувани секоја недела во вашиот имејл. Информациите кои ќе ги најдете на нив се основните: дневни посети, колку луѓе се враќаат на сајтот, колку луѓе имале интеракција со вашата содржина и колку е истата споделувана на друштвените мрежи. Kако што вели Visual.ly, овој инфографик не треба да го замени Google Analytics, туку само да ви заштеди на време.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
