Vimeo има преработена, потполно нова апликација за iOS, која е изработена во Swift. Освен програмскиот јазик променет е и дизајнот на апликацијатa, па сега е со нови алатки кои овозможуваат малку почиста навигација и поедноставно користење. Содржините кои ги избираат луѓе остануваат, но разгледувањето по категории сега е поедноставно.
Најголем новитет е новиот плеер за репродукција на видео кој овозможува HD и 4К стрим, а овозможено е и гледање слика во слика, иако ова најверојатно е пред сѐ наменето за iPad, а не за iPhone. Променето е поставувањетo на видео, па сега корисникот може да ги заштити со лозинка и да ги сподели единствено со пријателите или луѓето кои ги следи.
Дел од овие функционалности досега беа достапни на десктоп апликацијата, но не и на мобилните верзии. Засега е надградена единствено мобилната iOS апликација, најверојатно наскоро овие промени ќе пристигнат и на Android.
