Twitter предупреди мал дел од своите корисници дека се цел на напад кој е спонзориран од неименувана држава. Цел на нападот и информации до кои се обидуваат да дојдат напаѓачите се имејл и IP адреси, телефонски броеви, и кориснички имиња, јави Motherboard.
We received a warning from @twitter today stating we may be "targeted by state-sponsored actors" pic.twitter.com/oZm83eVFC5
— coldhak (@coldhakca) December 11, 2015
Таргетирани се профили поврзани со компјутерска безбедност, иако најголем дел од корисниците кои ја добиле пораката не се безбедносни експерти, туку имаат само некаква допирна точка. Сопствениците на дел од нападнатите профили сметаат дека се цел на напад поради поврзаноста со Tor. „Колин Чајлд, еден од нашите основачи и директор на Coldhak, е соработник на TorProject и најверојатно е од интерес. Но можеби е и поради Tor-јазлите со кои оперира или coldkernel кој го развиваме во моментов“, велат од Coldhak чии профил беше еден од првите кои јавно ја покажаа пораката од Twitter.
За поголема безбедност Twitter ги советуваше корисниците да ја користат анонимната мрежа на Tor, по што друштвената мрежа беше обвинета за лицемерие бидејќи кога им одговара го промовираат Tor, а кога не им одговaра го блокираат пристапот до мрежата. Корисниците чии профили се цел на напад доаѓаат од Канада, САД и Австралија.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
