Twitter започна тестирање на сервис кој ќе ја зголеми безбедноста на корисниците. Новиот систем ќе ја намали опасноста од неавторизирани логирања, бидејќи ќе бара двојна верификација. Решението е во финална фаза на тестирање, а наскоро ќе им биде достапно за сите корисници, вели The Wired.
Начинот на кој ќе се оствари ова речиси идентичен со двојната авторизација на Google. Најпрво корисникот ќе избере веродостоен уред, на пример паметен телефон на кој ќе го добива кодот генериран по случаен избор. За пристап до профилот освен лозинката ќе ви биде потребно и да се внесе кодот кој ќе се добива преку SMS порака.
Двостепената авторизација доаѓа како решение на се поприсутниот проблем на хакирање на профили, посебно на профилите на етаблираните „корисници“ како BBC, 60 minutes и Associated Press. Засега е непознато кога ќе пристигне новата заштита на Twitter, а дел од корисниците се на мислење дека подобро е да пристигне веднаш, а потоа да се поправаат проблемите кои ќе се појават.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
