Што имаат заедничко Evernote, OneNote и Google Keep? Сите три алатки се повеќе од одлични за земање и правење најразлични дигитални белешки. Како Дартањан, TreeNoote им се приклучува на трите мускетари и ветува минималистички интерфејс, но напредни можности за снимање на вашите мисли, префрлување содржини од веб страни, како и вметнува линкови и слики.
TreeNoote се испорачува во пренослива форма, а белешките кои ги правите можат да бидат сочувани во компјутерот, USB стикче, или на некој сервис за складирање податоци. Како безбедносна мерка, сите забелешки можете да ги заштитите и со лозинка. Што се однесува до нивното пребарување, имате на располагање напреден пребарувач, кој го скенира низ целиот текст.
TreeNoote егзистира во Windows околина, но планирани се верзии и за macOS, Linux, како и Android, односно iOS.
