Том Јорк јавно ги критикуваше новите сервиси кои стримаат музика преку веб, пред се Spotify, бидејќи, како што вели фронтменот на бендот Radiohead, тие се „лоши за новите музичари“. Протестот на Том Јорк и продуцентот на Radiohead, Најџел Годрич, започна со остранување на соло албумoт The Eraser и албумот на Atoms for Peace од најпопуларниот стриминг сервис Spotify. И двајцата преку Twitter го искажаа својот револ што Spotify ги исплаќа своите инвеститори, наместо новите музичари кои ќе бидат пронајдени преку сервисот. Албумите на Radiohead сè уште се достапни на сајтот.
Make no mistake new artists you discover on #Spotify will no get paid. meanwhile shareholders will shortly being rolling in it. Simples.
— Thom Yorke (@thomyorke) July 14, 2013
Spotify – кој не е достапен во Македонија – има над 24 милиони активни корисници, од кои 6 милиони плаќаат претплата за да слушаат музика онлајн. Според сервисот, нивниот проект е во рани фази и има за цел да ги награди сите музичари. Spotify вели дека лани исплатиле над 500 милиони долари за авторските права, и тоа ќе го направат и оваа година.
Но, Том Јорк не е првата ѕвезда која јавно им се против на овие нови музички сервиси. Неодамна култните Pink Floyd објавија соопштение во кое велат дека интернет компаниите ги измамуваат музичарите да земаат помалку пари одошто заслужиле. Најдобриот пример за ова се бендот Grizzly Bear кои објавија дека добиле само 10 долари за 10.000 стримања на нивни песни.
The reason is that new artists get paid fuck all with this model.. It's an equation that just doesn't work
— nigel godrich (@nigelgod) July 14, 2013
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
