The Sims 4 е бесплатна за сите фанови на овој долго-годишен серијал.
Основната игра може да биде ваша за играње преку продавницата и клиентот на издавачите ЕА. Сè што треба да направите е да кликнете тука и да си зграпчите копија. Ви препорачуваме да одите преку сајтот, а не преку клиентот затоа што многу корисници не успејале да ја „купат“ играта преку клиентот.
Инаку, The Sims 4 е интересен почеток чии механики се разликуваат од тие во The Sims 3. И покрај тоа, играта успеја да добие 70 поени на Metacritic, засновани на 74 критички мислења.
The Sims 4 е комплексна симулација за управување со дигиталните ликови, како и градење и уредување куќи според вашиот вкус. Иакo имате на располагање многу интересни механики и предмети, The Sims 4 вистински сјае само во комбинација со повеќето експанзии и додатоци. А кога сме кај нив, од 2014 па сè до сега, имате на располагање шест експанзии, 7 game packs, и 14 Stuff Packs. Ништо од ова не е бесплатно, но Origin знае да понуди некои додатоци со скромни попусти од 33% или, во ретки ситуации, од 50%. Како и да е, основната игра е бесплатна и, доколку сакате да проверите за што се работи, нема да бидете финансиски уназадени.
Веќе подолго време, The Sims 4 Digital Deluxe е дел од трезорот на Origin Access каде за месечна претплата имате на располагање над 70 игри.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
