Возилата на Tesla наскоро ќе добијат малечка, но значајна надградба. Најверојатно сè уште ја помните можноста возилото да пристигне автономно кога ќе го повикате.
Tesla ја промовираше можноста за повикување на возилото уште пред неколку години, но помалку ја подзаборавивме. Сега преку својот Twitter профил основачот на компанијата Елон Маск објави дека за месец и пол корисниците не само што ќе можат да си го повикаат своето возило од паркингот, туку и возилото ќе може подобро да вози на паркингот.
Г. Маск додаде дека една од функционалностите ќе овозможи ако корисникот се шета со притиснато копче за повикување возилото да го следи додека се движи. Засега е нејасно дали ова е смислена функционалност или нешто што се појавило во развојот.
Tesla advanced Summon ready in ~6 weeks! Just an over-the-air software upgrade, so will work on all cars made in past 2 years (Autopilot hardware V2+).
— Elon Musk (@elonmusk) November 1, 2018
Автоматското паркирање ќе овозможи возилата да се паркираат и да прават покомплициран маневар, без возач во нив. Ова значи дека нема да има потреба за отворање на врати што ќе овозможи паркирање во многу потесен простор, вели Reuters.
Also, you’ll be able to drive it from your phone remotely like a big RC car if in line of sight
— Elon Musk (@elonmusk) November 1, 2018
