Wikivoyage е нов „краудсорсинг“ проект на Wikimedia Foundation, но наместо да се собира енциклопедиско знаење како што се прави со Wikipedia, овој проект ќе биде туристички водич кој ќе ги содржи сите потребни информации за како туристите да стигнат и да се снајдат на популарна локација.
Според фондацијата, има многу малку сервиси кои имаат доволно потребни информации за туристите, но кои не се комерцијални и натрупани со реклами. Wikivoyage ќе треба да го исполни тој простор и да им понуди доволно квалитетни содржини на посетителите на сајтот кој ќе остане без реклами. Како и Wikipedia ќе се финансира преку донации.
Дел од податоците се преземени од Wikitravel, чија содржина е под Creative Commons лиценци. Дел од уредниците на Wikitravel се приклучува на Wikivoyage за да обезбедат доволно информации. Во моментов има 50.000 статии на девет странски јазици.
