Spotify стигна до бројката од 40 милиони претплатници и со тоа е лидер кога сервисите за стрим на музика се во прашање. Она што е поимпресивно е дека до последните 10 милиони корисници сервисот дојде за околу 6 месеци, јави 9to5mac. Во март оваа година сервисот објави дека стигна до 30 милиониттиот претплатник.
40 is the new 30.
Million.— Daniel Ek (@eldsjal) September 14, 2016
За споредба сервисот на Apple, Apple Music има 17 милиони корисници, и за речиси истиот период има 4 милиони нови корисници. Истовремено Spotify на последното пребројување имаше над 100 милиони корисници. Овој пат компанијaта не сподели вкупна бројка на корисници.
Засега е нејасно дали поголемиот број на претплатници значи и дека компанијата започна да работи со профит. Во 2015 компанијата имаше загуби од 193 милиони долари, ова претставува пораст од 6.7 отсто во однос на 2014.
Сервисот Spotify, и покрај популарноста, се уште не е достапен за македонските корисници, а засега нема ниту пак најави дека сервисот ќе се прошири и низ цела Европа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
