Поставување на слика како позадина на телефонот може да го уништи вашиот уред. Десетици корисници на Android телефони се жалат дека по поставување како позадина, сликата на која има зајдисонце, облаци, езеро и шума ги расипала нивните телефони.
Опасноста е присутна единствено кај дел од телефоните, но зафатени се популарни телефони како Pixel и модели на Samsung, вели Engadget.
Корисниците се жалат дека по поставувањето на сликата телефонот е заглавен и постојано го вклучува и исклучува „lock“-екранот, и делува како телефонот постојано да се вклучува и исклучува. Зафатените уреди можат да се поправат со активирање на „safe“-мод и бришење на сликата или со целосно ресетирање на уредот.
Дилан Расел од 9to5Google можеби ја пронајде причината поради која се случуваат овие проблеми. Сликата користи RGB наместо sRGB, и иако Аndroid 11 ја конвертира сликата Android 10 не го прави ова и предизвикува проблеми кога некомпатибилен телефон ќе се обиде да ја прикаже сликата.
Samsung веќе најави дека на 11 јуни ќе издаде закрпа со која ќе се надмине проблемот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
