Таман ќе подзаборавиме дека било кога се зборувало за World of Warcraft филм, ќе се појави некоја вест која ќе не потсети и израдува дека ќе видиме епска филмска приказна со Трал и Алијансата. За жал и овојпат вестите не се добри. Режисерот Сем Реми нема да го режира филмот. Причината е зафатеноста на г. Реми со друг проект Oz:TheGreatPowerful.
Сепак не е се толку трагично, една од причините поради кои режисерот е заменет е поради тоа што новиот проект ќе трае подолг период, а Blizzard сакале да започнат со снимање на филмот.
„Всушност не сум режисер на World of Warcraft повеќе од кога ја прифатив работата за Oz: The Great and Powerful. Мораа да изберат друг режисер. Мораа да почнат да го прават филмот.“, вели режисерот за CraveOnline.
Во својата изјава Сем Реми не обелодени кој е новиот режисер на Warcraft. На филмот работат Blizzard и Legendary Pictures, а продуценти се легендата на Blizzard, Крис Метзен и продуцентот на Batman, Чарлс Ровен. За жал сè уште е непозната датата на излегување на филмот, а се повеќе расте и сомнежот дека филмот ќе биде реализиран.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
