„За да го користите App Inventor, не мора да бидете програмер. App Inventor НЕ бара знаење во програмирање. Ова е бидејќи наместо пишување код, вие визуелно го дизајнирате изгледот на апликацијата и користите блокови да го одредите однесувањето на апликацијата.“ вели Google.
Со оваа алатка бројот на Android апликации може значително да се зголеми, пред се со персонализирани апликации. Google се обидува да стане конкурентен во квантитет на апликации со Apple App Store. Но додека iPhone апликациите се избираат, Google со App Inventor има комплетно отворен пристап што може да донесе број неквалитетни мобилни апликации. Но се зависи од креативноста на корисниците и нивните идеи за апликации.
