Се продаваат вулкански уши за сите аудиофили

Со децении наназад, Star Trek серијалот преживува со една или друга доза на успешност. Најновата телевизиска серија го однесе серијалот во значително поразличен правец, но едно останува исто – вулканските уши.

Во случај да отсекогаш сте сакале да му дадете надворешна форма на гикот кој тлее во вас, следниве уши кои не се уши би можеле да се чекор во вистинскиот правец. Тоа, и учење клигонски за само пет минути дневно.

ThinkGeek започна да продава Star Trek безжични слушалки кои се дизајнирани во форма на ушите на најрационалните и најпрактичните суштества, што е двојно поинтересно кога ќе ја земете во предвид рационалната практичност на овие слушалки, и нивната боја која повеќе потсетува на помагалата за слушање отколку на слушалки кои се наменети да ја создадат илузијата на вулкански уши. Во овој момент, воопшто не знаеме зошто почнавме со текстот за вулкански уши. Можеби затоа што отсекогаш сме сакале да напишеме вулкански уши во секоја реченица од секој параграф. Во овој момент, пак, почнуваме да се прашуваме дали навистина проверивте дали фразата вулкански уши навистина ја има во секоја реченица од секој параграф.

Безжичните слушалките кои се трудат да изгледаат како вулкански уши чинат 35 евра и можат да издржат четири до пет часа зборување. Колку вие можете да го издржите исмејувањето од вашите пријатели подлегнува на други математички равенки кои не се наведени со упатството. Времето на полнење на вулканските сл(уши)лки е два часа. Во кутијата се наоѓа micro USB кабелче за полнење, како и цели три комплети од силиконски заштитни врвови како би можеле да ги одржувате вашите вулкански уши чисти од какво било надворешно влијание.

Вулканските уши се продаваат тука!

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk