Samsung на саемот за електроника во Лас Вегас (CES 2018) ќе претстави очила за луѓето со оштетен вид. Апликација за паметни телефони Relumino, во комбинација со уредите за виртуелна реалност.
Задната камера на телефоните на Samsung, вметнати во Gear VR се користи за снимање на околината. Потоа, снимениот материјал се зголемува, се менуваат боите и контрастот, за предметите да бидат полесни за забележување. Samsung развива и ќе презентира и очила токму за оваа пригода.
Наместо телефон и Samsung Gear VR, паметните очила ќе бидат посамостоен уред. Сепак, и за очилата ќе биде потребен паметен телефон. Очилата од телефонот ќе ги „позајмуваат“ процесирачките можности. Очилата ќе доаѓаат со камера и екран и ќе бидат многу попрактични од GearVR.
https://www.youtube.com/watch?v=cmal7zgwlMU
Саемот за електроника традиционално се одржува во јануари, и е првиот навистина голем настан на кој се презентира нова технологија. Оваа година настанот започнува на 5 јануари.
