Samsung го претстави Samsung HMD Odyssey+

Возбудата по виртуелната реалност забавува. Главна причина за ова секако е недостатокот на квалитетни содржини, но и високата цена на уредите.

Надградбата на очилата за проширена реалност (mixed) на Samsung, нема да донесе поевтин уред, но барем ќе ја зголеми конкуренцијата. HMD Odyssey+ е надградба на очилата која најмногу се однесува на дисплејот.

На новиот уред има повеќе надградби, но најголема е надградбата на дисплејот. Екранот е сега 1233ppi и ќе овозможи да се намали чувството на мачнина додека корисникот го користи уредот. Досега дисплејот доаѓаше со 616ppi. Со зголемувањето на густината на пиксели е намален и просторот помеѓу пикселите, и токму ова ја намалува мачнината.

Додадена е и можност за промена на растојанието помеѓу леќите за подобро прилагодување на уредот на ликот на различните корисници.

Уредот е веќе достапен во продажба, но за жал секако не е достапен и во Македонија. HMD Odyssey+ е достапен во САД, а наскоро пристига и во Кореја, Кина, Хонг Конг и Бразил. Цената е 500 долари.