Global Azure Day e глобален целодневен community настан што се одржува во ист период низ целиот свет со поддршка од Microsoft заедниците.
Настанот се одржи на 10-ти мај во просториите на Innox во организација на Macedonian .NET Community и Macedonian ITPro User Group.
На сцената ќе имате можност да погледнете 6 одлични презентации поврзани со новитетите во Microsoft Azure услугите. Предавачите се добро познати на заедницата, од Microsoft MVPs до луѓе со преку 20-годишно искуство во различни индустрии.
Овогодинешното издание доби и подлабока димензија. Побудени од трагедијата во Кочани и со желба да помогнат таму каде што е најпотребно, организаторите одлучија настанот да биде од хуманитарен карактер. Локалната и глобалната заедница целосно ќе се сплоти за почит и поддршка.
Во соработка со иницијативата SupportKochani и ECrowd е овозможено сите што сакаат да присуствуваат да може да направат симболична донација од 630 денара во чест на 63 прерано згаснати животи.
Донации може да направат сите, од физички лица до правни ентитетни кои сакаат да го поддржат настанот и оваа хуманитарна иницијатива. Секоја донација е всушност и регистрација за учество на настанот. За оние што нема да можат да присуствуваат на настанот, ќе биде обезбеден пренос во живот.
Сите донирани средства транспарентно ќе бидат предадени на засегнатите семејства од трагедијата во Кочани.
Линк до сајтот на Global Azure Skopje: https://glazuremk.github.io/public-website/
Линк за донации: https://ecrowd.mk/digital-donation-box/d2947ad9-6c99-4645-8f0a-f57f684c0b3f
Упатство за донации: https://www.youtube.com/watch?v=T6f3R3SUNps
