Не, стварно, нема потреба да купувате MX Keys Mechanical Mini. Не гледам никаква причина некој да ја купи. In fact, не гледам ни причина да постои. Ок, можеби малку престрого, ама сепак, тастатурава секако не е за некој кој е љубител и/или корисник на механички тастатури. Не би рекол ни дека е entry level механичка тастатура.
Што ме натера да ја купам? Well, добро познато е дека механичките тастатури се модерниот порок во компјутерскиот хардвер веќе некое време, па така и јас како лик кој е склон кон пороци (хардверски that is), лесно потпаднав под ова влијание и бев вовлечен во вртлогот. Секако графичките беа out-of-touch, а кај останатите елементи нема некој драматичен развој па мораше некако да се задоволи потребата за хардвер. Ми требаше нешто…
Стандардно, прво купив нешто евтинко, за проба, се погоди тоа да биде Razer Blackwidow Lite. Навидум симпатична тастатура, би рекол дека беше добра одскочна (т.е. отскочна) даска да се запознаам со механичките тастатури. Сè на сè, ми се бендиса, убаво лежеше, убав распоред на дугмиќи, orange silent keys, што во тој момент ми беше скроз кул, за дома – мир во куќа, да не напињам со штракање. Штракањето е оставено за работните простории и колегите, да уживаат во звуците на мојата работа, симфонија од штракање. Razer-от има бело позадинско осветлување, што исто така го сметав за предност во споредба со RGB, немаше некои опции за кастомизација (или пак имаше!?), али не ми ни требаа, сè на сè, убаво искуство.
Но…
Тука започнаа проблемите, работите почнаа да ескалираат. После неколку месеци купив Ducky One 2 SF со red silent switches and I loved it! Преубава тастатура, многу квалитено изработена, многу компактна а и кликањето на неа беше милина. Релативно тивкa, убав фидбек, убав распоред, некако ептен ми легна… Тогаш си потврдив себе си дека не ми требаат функциските копчиња, а од претходно, уште од раната младост, знаев дека не ми треба NumPad. Препорака од мене за Даки иако сега мислам дека се значително поскапени, не сум сигурен дека се best buy, ама во секој случај се убаво парче хардвер.
Секако дека се јави и хипстерот во мене, па купив и една tada68 со Kailh BOX Noble Yellow – limited edition свичови и YMDK thick pbt со OEM профил капачиња (keycaps). Дефинитивно тастатура која остава впечаток уште на прво видување поради ретро дизајнот и дефитивно најубавиот звук за мој вкус. Недостаток беше што убавиот звук беше прегласен за дома, а тастатурата не беше Mac компатибилна за на работа. Сè уште понекогаш си ја вадам од фиока и ја вклучувам на кратко да покликам на неа.
Бидејки горенаведените тастатури не беа модуларни, па не можев да пробам други свичеви, се чувствува дека нешто пропуштам. Патем, некако и сакав да немам гајтан. Па така купив Keychron K6 која ја зедов со кафени свичови и после третиот клик утврдив дека не ми се бендисуваат. Хитно купив некои розеви свичови ако не се лажам и значително се подобри куцачкото искуството. Многу поубав звук. Купив и некои убавКи капачиња и тастатурата стварно заличе, за мерак. Гајтанлес искуството беше безмалку идеално. Солидна батерија, брзо поврзување, се на се, повторно задоволен… и повторно не застанаа тука работите.
Се појави Keychron Q2 на пазарот со кул елементот наречен… knob-че. Of course дека ми требаше. Ја купив и таа, и уште на прв допир бев фасциниран. Full aluminum body! Значи кило ипол алуминиум! Ја зедов со сини свичеви и иако не се на ниво на Kailh BOX Noble Yellow во tada68, сепак ми се бендисуваат. Убав звук, убав feeling при куцање, капачињата се исто така убавки, а knob-чето, секако дека остава многу убав впечаток (кое патем, освен за volume up & down, не го користам за ништо друго, but it’s a must!).
Во овој момент, практично немав што повеќе да барам од тастатура… но не, морав да ја купам Logitech MX Keys Mini. Добро позната тастатура, доста популарна и мораше да видам што е фората. For science! Беше на попуст кај жирафата и ја нарачав.
MX Keys Mini беше буквално сè што очекував. Фино склопена тастатура, многу елегантна, убави материјали, солидна тежина… убав впечаток. Плус дека е слим и ниска, scissor свичови, распоред многу близок до Apple keyboard, навистина убаво парче хардвер. Топло ја препорачувам на секој. In fact, додека го пишувам текстот, се мислам дали е можеби време да ја заменам Keychron-от со MX Keys, малку да ја јутилизирам, некако ми се бендисува иако не е механичка, онака, елегантна е. Баш супер тастатурче, да ќе ја активирам малце деновиве (if anyone cares).
Но, не е тоа темата…
Но, не е тоа темата, тука сме за наследникот на MX Keys, a тоа е Logitech MX Keys Mechanical Mini. Боже господе колку бев возбуден кога ја видов најавата за тастатурава. Во прв момент дури и зажалив што сум ги купил овие пред неа. Али нема врска, реков ќе почекам да излезе, па да дојде кај нас па да видам што понатака. Почекав некој месец, не помина многу време прeд да ја има кај жирафата, а одма после 2-3 недели и беше на попуст. Падна нарачка, возбудата беше голема…
Дојде и тој ден… дојде тастатурата, во меѓувреме погледнав и неколку ривјуа, секаде беше фалена, уште повеќе се подгреваа моите очекувања. Ја отворам кутијата, скроз очекувано убаво спакувано и средено и… првото разочарување. За разлика од не-механичката верзија која изгледа многу луксузно да речам, оваа на прв поглед е скроз… пластична… ама Mickey Rourke пластична. Дури и во прв момент ја вратив во кутија, реков чек, ај попосле ќе ја видам убаво.
Исто беше и после. Значи, многу пластикарски изглед, не знам како поинаку да опишам. Иако би рекол дека е квалитетна пластика и се тоа, ама пак, некако ме разочара, самите keycaps воопшто не оставаа high-end впечаток, а и основата, беше од истиот тип на пластика, за разлика од обичната MX Keys која имаше метални елементу, brushed пластика и капачињата се онакви, како гумирана пластика, меки се, незнам како се вика тоа стручно (една стручност па што треба за гумирана пластика да опишеш).
Али ок, видно разочаран, реков дај ќе ја куцам, можеби ќе ми легне…
Nope.
Бидејќи немаше избор, морав да земам silent (tactile silent би рекле добрите луѓе од Logi) верзија, можам да кажам дека е буквално ужас. Дури ќе отидам и дотаму и ќе кажам дека Genius тастатурата што ја имав пред 10 години има подобро чувство при куцање. Ова овде е тотално разочарување. Тивко, меко, лоша пластика, воопшто немаш чувство дека користиш механичка тастатура, воопшто. Единственото штракање што се слуша е кога пластиката од капачето ќе удри во пластиката од основата. Пластика на пластика. И толку.
И дадов шанса, кратко, ама никако не се гледав себе си како ја користам. Плус распоредот на дугмињата секако ми беше од тие неубавите, со многу дугмиња, а јас не сакам да имам вишоци. Функциските дугмиќи се тотално непотребни, тие од страна Pg Up/Down итн… мех… само ми сметаа да го погодам ентерот од прва. Иначе распоредот е сличен со тој кај обичната MX Keys, ама тука некако го уништиле со екстра јуслес дугмиќи од десната страна. Функциските дугмиќи иако знаат да бидат корисни, посебно тука затоа што имаат екстра функционалности, како беклајт, звук, штотијазнам, сепак, толку ретко ги користам што ми е подобро да ги нема. А и некако се осеќам ко хармоникаш на толку многу дугмиња.
Е сега не е се така црно, батеријата на пример, сеуште ја немам полнето, како дојде така ја користам, ама па и не ја користам многу, ја ставив дома на домашниот персонален сметач, си реков, ај таму нека стои, ем еден кабел помалце, ем па тивка е, за разлика од сите други кои ги имав на располагање. Сè на сè, би рекол дека од Механичка тастатура е само Мех… 3.6, not great, not terrible. Од другите позитивни работи би го издвоиле позадинското осветлување, односно сензорот за истото. Кога е активен сензорот, осветлувањето се гаси доколку не куцаш, а штом ќе ги доближиш рацете кон тастатурата, автоматски се осветлува. How cool is that?!?! Исто и морам да ја пофалам за брзината и риспонсивноста. Очекував да има проблеми со будење на компјутерот бидејќи BT, ама не. Супер си работи, веднаш се буди и го буди и компјутерот. Би рекол дека од кориснички аспект, убавко ги средиле тие работи. Има фич’ри и тие функционираат, софтверот што доаѓа е истиот и за глувчето, па така имаш една целина, конфигурацијата може да ти биде бекапирана во облак, имаш опции за кастмизација, се е тоа навистина убаво направено, баш е Logitech производ. Само што многу потфрлиле на делот со пластиката и свичевите. Додуша можеби со други свичеви ќе биде подобра, али нема да отидам толку длабоко во експериментот и да нарачувам друга, a немој ни ти, да, ти што го читаш текстов. Со тие пари, подобро да си купиш членство на IT.mk и да бидеш 1337 член две години, и да имаш 24 шанси да ти падне некоја од месечните награди и со останатите пари да си купиш… well, нешто ситно. Било што да ти падне е подобро, буквално билошто, па макар и дрон :)
П.С. Сосема “случајно” баш сега се погоди 1337 подарокот да биде баш MX Keys, али не мини, туку фул сајз верзијата. Најс…
Претходна колумна од авторот:
Колку пари, толку музика… or so they say – или како дојдов до мојот избор на in-ear слушалки [колумна]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
18 коментари
Loading new replies...
@Oktar tadata е компатибилна со мек само треба да ја флешнеш :)
Може да ти ја зајмам на пар дена MX Key-to? Одамна сум загреан за low profile choc тастатура ама сите се со гатерон LP и не можам да си најдам (освен ерго сплит) кит за со чок.
Choc white треба да се многу блиски до нивните големи братучеди box white. Ја мислам дека со малку пажња и други капачиња, оваа тастатура се средува да пее.
Сега, не се споредува со другите што ги имаш, ама си има намена, ипак е low profile.
@Oktar tadata е компатибилна со мек само треба да ја флешнеш :)
Може да ти ја зајмам на пар дена MX Key-to? Одамна сум загреан за low profile choc тастатура ама сите се со гатерон LP и не можам да си најдам (освен ерго сплит) кит за со чок.
Choc white треба да се многу блиски до нивните големи братучеди box white. Ја мислам дека со малку пажња и други капачиња, оваа тастатура се средува да пее.
Сега, не се споредува со другите што ги имаш, ама си има намена, ипак е low profile.
Може на 10 дена.
Добро бе Октар глумиш дека си неписмен или навистина си? Колку години имаш, 15?
Што е ова?
Со Гугл транслејт да не го пишувае ова? Мислиш дека е смешно? За мене е идиотски, а не смешно.
Види вака, стварно не е ок да пецкаш вака на труд на некого само зошто не ти е по кеиф зезањето. Убаво си кажа, за тебе.
Види вака, стварно не е ок да пецкаш вака на труд на некого само зошто не ти е по кеиф зезањето. Убаво си кажа, за тебе.
Зезање ≠ неписменост. Тешко е да се чита она напишаното. Сепак е рецензија, а не објава на Фејсбук и треба да се запази јазикот.
Ама упорно ме читаш, срце си :*
Не се радувај, не прочитав повеќе од две реченици.
Зезање ≠ неписменост. Тешко е да се чита она напишаното. Сепак е рецензија, а не објава на Фејсбук и треба да се запази јазикот.
Не се радувај, не прочитав повеќе од две реченици.
Ватафак ис ронг вит ју ?
Начинот на кој Октар пишува е вид на слободна современа уметност - не ни очекуваме Ти тоа да го разбереш ...;)
