Роботите доаѓаат – Boston Dynamics започнува со продажба на SpotMini во 2019

во Свет

Image courtesy of Boston Dynamics / YouTube

Boston Dynamics од 2019 година ќе започне со продажба на SpotMini. Ова е прв робот кој ќе биде достапен во комерцијална продажба, по 26 години работа на компанијата.

Ова е најтивкиот робот кој е произведен од компанијата, што секако е важно кога се размислува за продажба до крајни корисници. Претходно заработката на Boston Dynamics главно доаѓаше од договорите кои ги имаа со DARPA.

Компанијата ќе започне да ги контактира производителите на делови за првите 100 роботи веќе оваа година. Потоа ќе ја започнат да го зголемуваат производството. Целта е првите роботи да почнат да се продаваат следната година.

Што се однесува до цената, барем засега останува непозната. Она што е сигурно е дека правењето на оваа верзија на роботот е 10 пати поевтина од претходните.

SpotMini е далечен потомок на BigDog. BigDog е замислен како поддршка на војската на САД. Овој робот треба да им помогне на војниците во носењето на товар. Секако и SpotMini може да има слична улога за неговите купувачи. Секако ќе биде интересно да видиме што друго има замислено Boston Dynamics за својот робот.

Компанијата досега има развиено куп роботи, но не ги продаваше. Конечно додека беа дел од Google, започнале да размислуваат за ова. Boston Dynamic по три и пол години поминати како дел од Google, во 2017 година го промени сопственикот и сега е дел од SoftBank Group.

Повеќе за Boston Dynamics може да погледнете на интервјуто на TechCrunch.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk