Рециклирам.мк е нов, заеднички проект на МојВоздух и Пакомак. Станува збор за едноставна и прилично корисна алатка која ќе им помогне на сите.
Користењето на сервисот е едноставно, а сервисот е главно информативен. Покрај повеќе информации за придобивките од рециклирањето, може да дознаете повеќе и за симболите на амбалажата кои не секогаш значат она што ние мислиме.
Сепак за нас најинтересен е веројатно начинот на кој може да се ослободиме од електронскиот отпад. Од податоците на Рециклирај дознавме дека на располагање ни се 2 начини:
- Да го однесеме во продавница каде што се продава електронска опрема. Тие се должни да го преземат, без разлика дали е купен од таму.
- Или да се јавиме во Нула Отпад (070-236-000) за да го подигнат од нашиот дом
Сепак веројатно најважниот и најкорисниот дел од Рециклирај е мапата на локации каде се наоѓаат контејнерите за различен вид на отпад: пластика/метал, стакло и хартија/композит.
Рециклирањето е исклучително важно за околината. Производите и материјалите кои не се рециклираат или не се трајни вообичаено завршуваат во инсинератор. Со ова секако се загадува воздухот, а овој проблем го имаме доволно.
