Профилите на социјалните мрежи на HBO кус период беа под контрола на OurMine. Во овој период од официјалните Facebook и Twitter профили OurMine испратија неколку пораки.
„OurMine тука, само ја тестираме вашата безбедност. HBO контактирај нè за надградба на безбедноста – ourmine.org“.
Ова не е прв пат OurMine да пробие профили на друштвени мрежи на големи компании, јавi BBC. Претходно жртви на хакерите беа и Netflix, Џими Велс, основач на Wikipedia; Марк Закерберг основачот Facebook; и Сундер Пичај директор на Google.
HBO и без овој напад имаше доволно проблеми со хакери. Сезони од Room 104, Insecure season 2 и Curb Your Enthusiasm најверојатно се во рацете на хакери. Заедно со сериите хакерите имаат и 1.5 TB податоци од мрежата на HBO. Дополнително, последните две епизоди од Game of Thrones излегуваат порано од предвиденото. Ако првиот пат беше дело на хакери, вториот пат по грешка, шпанските и нордиските платформи за стримање емитуваа погрешна епизодата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
