Популарната апликација за презентации, Prezi, која беше достапна за iOS и iPad, сега е достапна и за Android. Конечно сега Android корисниците ќе можат да си носат своите Prezi презентации насекаде, но треба да знаете дека апликација е додаток која ја надополнува услугата која ја нуди Prezi преку својот веб сервис.
Со Prezi for Android има можност со која корисниците кои се постојано или барем почесто во движење ќе можат да си ги носат со себе своите презентации. „Мобилната апликација овозможува презентации, било каде, во било кое време“, вели Prezi, што на кратко значи дека не мора да носите лаптоп секојпат кога ќе сакате да презентирате.
Android верзијата како и iOS овозможува синхронизација со облакот, а со ова и пристап до последната верзија на презентацијата, дури и ако не е префрлена на телефонот. Сервисот овозможува и презентирање на најмногу 30 поканети корисници кои би можеле да ја следат презентацијата.
Ова е втора мобилна апликација која ја објави Prezi за кратко време, откако неодамна ја претстави и Nutshell, апликација за анимирање на фотографии.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
