Верувале или не, PlayStation Plus услугата постои цела деценија. Sony го одбележува достигнувањето со подарување три наместо стандардните две игри, како и бесплатна тема. Во месецот јули, љубителите на кошарката, ја добиваат NVA2K20, a фановите на Лара ќе можат да се втурнат во епски истражувања со втората (и најдобрата) игра од трилогијата. Како трета игра, го добивате и напнатото филмско искуство – Erica!
Неделата ќе биде одбележана и со бесплатна тема за PS4. Темата ќе се нуди на играчите само за краток временски период, а сеуште не се знае дали ќе биде статична, или динамична. Од Sony, ја споделија и следнава слика која ја одбележува деценијата со неколку интересни податоци.
Последниве 10 години се подарија еден куп игри. Решивме за секоја година да извлечеме по еден наслов кој особено ги израдува претплатниците.
2010 – Wipeout HD PS3
2011 – Streets of Rage 2 PS3
2012 – inFamous 2 PS3
2013 – Uncharted 3: Drake’s Deception PS3
2014 – Batman: Arkham City и Batman: Arkham Asylum PS3
2015 – Rocket League PS4
2016 – Journey PS4
2017 – Until Dawn PS4
2018 – Bloodborne PS4
2019 – The Last of Us: Remastered PS4
2020 – Која игра највеќе ви се допадна годинава? Која навистина би ве израдувала? Кажете нѝ во коментарите или на социјалните мрежи!
