Pinterest би можела веќе во првата половина на следната година да ги понуди своите акции на берза, дозна Wall Street Journal. Платформата за споделување на интереси е една од најинтересните друштвени мрежи.
Наскоро на платформата треба да се појави визуелен пребарувач и алатка која ќе овозможи купување на производите кои корисникот ги гледа на сликите. Компанијата би можела да достигне вредност од 12 милијарди долари, а толку беше проценета на последното затворено инвестирање. Досега Pinterest има собрано 1,5 милијарди долари од инвеститорите/акционерите. Оваа година компанијата очекува пригоди од 700 милиони долари.
Она што секако е интересно за Pinterest e дека од 2017 година технички директор на компанијата е Вања Јосифовски. Г. Јосифовски е дел од компанијата од 2015 година и како лидер во инженерските тимови работеше на развој на дел од технологиите кои се користат. Под негово водство Pinterest ги развива и машинското учење, пребарувањето и инфраструктурата.
Последната година платформата доби нови 50 милиони корисници, па сега ја користат 250 милиони луѓе.
За следната година неколку вистина големи стартапи ќе излезат на берза. Uber и Lyft се во финална фаза, а Slack работи на подготовка, вели TechCrunch.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
