Медицински тим од Јужна Кореа работи на револуционерно решение кое ќе стави крај на заборавање на пиењето на лекови или предоцно сеќавање дека сте ги заборавиле апчињата дома. Решението е паметна лепенка на кожата која овозможува навремено и точно дозирање на лековите, јави New Scientist.
Ова не само што ќе овозможи навремено пиење на антибиотиците на пример, туку и ќе оневозможи дел од болните самостојно да си препишат поголема доза на лекот доколу мислат дека им е потребна. Лентата е дебела 1 милиметар, широка 5 сантиметри и наликува на фластер, со основна разлика што е креирана од растегливи нано-материјали. На неа се поставени нано-мембрани, а лентата може да ги детектира треперењата, на пример во случај на Паркинсонова болест или епилепсија, и во овие моменти, температурно се активираат наночестичките и ги испуштаат лековите за да го смири пациентот.
„Луѓето се заинтереситани за континуирана и контролирана достава на лекови… Во иднина треба да биде интегрирана бежична компонента, а потоа фластерите ќе треба да бидат на бежичната мрежа, што ќе им овозможи на лекарите побрза дијагноза и испуштање на лековите од лепенката веднаш“, вели Дае-Хионг Ким за Verge.
Но, засега лепенката има доста проблеми бидејќи е можно активирање и во погрешни моменти. Медицинскиот тим кој работи на проектот предвисува дека технологијата ќе биде подготвена за употреба за 5 години.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
