Паднатиот GoDaddy изгаси милиони сајтови, одговорноста ја презеде член на Anonymous

Илјадници и можеби милиони, веб страни останаа недостапни откако „падна“ GoDaddy.com . Вчера серверите на GoDaddy беа недостапни речиси 5 часа, а најмногу страдаа малите компани на кои им се потребни веб страните. GoDaddy хостира 5 милиони страни, но бројот на регистрирани домени е 10 пати поголем.

Иако непотврдено, одговорноста за нападот ја предзема AnonymousOwn3r, член на хактивистите Anonymous. Според хакерот, целта му било да ја провери безбедноста, но и од друга причина која сè уште не ја обелоденува. Иако AnonymousOwn3r на својот твитер профил сам ја предзеде одговорноста за нападот, хактивистите Anonymous го поздравија нападот врз GoDaddy. Претпоставка е дека нападот е одмазда за поддршката која ја даде GoDaddy на PIPA и SOPA.

Причина за недостапноста на илјадниците сајтови лежи во DNS серверите кои беа срушени. Ова одговара и на објавата на непотврдениот напаѓач кој потврдува дека ги срушил DNS серверите.

До крајот на вечерта (доцна во вечерта по македонско време), најголем дел од веб страните беа повторно покренати и функционираа нормално. Покрај веб страните недостапна беше и електронската пошта на GoDaddy. За среќа податоците на корисниците се недопрени. Во најголем дел провајдерот го споделуваше напредокот на својот Twitter профил.

Status Alert: Hey, all. We’re aware of the trouble people are having with our site. We’re working on it.

— Go Daddy (@GoDaddy) September 10, 2012

#TangoDown — godaddy.com | by @anonymousown3r |

— Anonymous (@AnonOpsLegion) September 10, 2012

@film_girl I’m taking godaddy down bacause well i’d like to test how the cyber security is safe and for more reasons that i can not talk now

— Anonymous Own3r (@AnonymousOwn3r) September 10, 2012

До сега GoDaddy не ја објави причината за недостапност на услугата, ниту го потврди нападот од AnonymousOwn3r.