Овој викенд се одржува голем YouTube митап во салата Борис Трајковски во Скопје.
Настанот е поддржан и организиран од најголемите македонски јутубери. Bobi Beatbox, GP, Winncoot, Steffonator, Bambo, Иван Ајнштајн, IB, Blostur, Darko Atanasovic, Antonio HD, BonnoTV, LordOFails, Андреј Прави Влогови и Nikola’s Art House се дел и организатори од настанот.
„Ќе биде скроз лудо, ќе има челинџи, гејминг, пеење, зезање, Q&A, влогање… Ќе биде настан за кој многу долго ќе се зборува, ќе се прашува кога пак и зошто не побрзо?“, велат организаторите.
Настанот ќе трае 3 часа, но нема никаква временска рамка, ако на посетителите им се седи и повеќе YTMKD може и да продолжи. Ако ви треба повеќе мотивација да отидете, еве како изгледаше минатиот митап во Битола:
https://youtu.be/yHLMbu8YxtM
или неодамна во Кавадарци:
Она што е најимпресивно е што настанот го организира помлада генерација. Се чини дека како и за снимањето, стримањето и монтирањето и за организирањето на настани се самоуки.
Билетите одамна се во продажба и може да се најдат во Југотон или на Ticketplus.
