Во 2011 година Мате Римац излезе од својата гаража и со тројца вработени започна да работи на својот електричен автомобил во првиот погон. Со ова започна патот во креирање на еден од најлуксузните и најдобри електрични автомобили. Денес тој е најбогатиот човек во Хрватска, а во Rimac Motors работат над 550 вработени.
Тимот на Rimac поради брзиот раст, последниве години неколку пати го надградуваше погонот во кој работи, а сега е дојдено време повторно да се прошират. За да го „овековечат“ овој момент издадоа серија од 4 видеа под наслов „Discover Rimac“, во кои основачот на компанијата Мате Римац ни претставува различни оддели и погони на компанијата. Ова е последно видео од овој серијал и во оваа „епизода“ се запознаваме со: одделот за индустрализација; хомологација; контрола на квалитет;развој на автономни возила; развој на компоненти и велосипедите Greyp.
