Во 2011 година Мате Римац излезе од својата гаража и со тројца вработени започна да работи на својот електричен автомобил во првиот погон. Со ова започна патот во креирање на еден од најлуксузните и најдобри електрични автомобили. Денес тој е најбогатиот човек во Хрватска, а во Rimac Motors работат над 550 вработени.
Ова е втора, од четирите епизоди од серијалот „Откријте го Rimac“, а во оваа епизода основачот Мате Римац ни ги претставува алатките кои ги користат во производство. Дел од видеото е оставен и за сите материјали кои Rimac ги користи за изработка на различни делови на возилата.
Иако првиот дел од презентацијата е фокусиран на каросеријата и ентериерот на возилото, вториот е посветен на електричните делови и започнува со батериите. Она што е поинтересно е дека во батериите единствениот дел кој не се произведува во фабриките на Rimac се самите батериски ќелии, сè останато од ладење, системи за управување со батериите, до системите за безбедност се решение на Rimac.
Последниот дел од оваа епизода е за испитувањето на електричните машини. Токму лабораториите за тестирање се една од причините за зголемувањето на погонот на Rimac.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
