Како што ве известивме неодамна, сега е одлично време да се биде гејмер, независно од тоа дали сте по бесплатни или евтини игри. Еpic Store моментно има две феноменални кампањи каде за секоја игра која чини над 15 евра автоматски активира ваучер и ја намалува цената за 10 евра. Но, оние кои се имаат заветено да се држат што подалеку од нивниот паричник, секој ден бесплатно можат да си земат по една игра и да ја играат засекогаш. Промото е во целосен ек и до сега имавме интересни игри, а, како изгледа, така ќе биде и до самиот крај. Моментно, на располагање ви стои одличната Metro 2033, а утре ќе биде Tropico 5. Што е за останатите денови?
Расчистете го календарот и подгответе се за долги и впечатливи гејминг сесии без трошење денар. Сега е одлично време да се биде гејмер!
