Најголем дел од нас кога ќе ни се спомне робот веднаш или речиси веднаш помислуваме на хуманоидни роботи, но не и Џејми Паик. Џејми Паик е професор и директор на лабораторијата за реконфигурабилна роботика на Политехничкото училиште во Лозана и работи на роботи кои можат да ја променат својата форма.
Рoботите кои може да ја менуваат својата форма во суштина започнуваат како 2Д-објект и од комбинација на робот и оригами, доаѓа и името на овие роботи – робогами. Во својот TED-говор г-ѓа Паик зборува за равојот на овие роботи, а може да се види и како различна конфигурација на роботот се користи за надминување на различни препреки. Сепак она што е уште поинтересно се предвидувањата за иднина и предизвиците со кој се соочува нејзиниот тим.
