Во случај да користите Safari на вашиот Mac, iPhone или iPad, лозинките кои ги имате создадено тука, можете лесно да ги префрлите за да можат да се користат при сурфање на Chrome или Edge преку вашето PC. Ова е можно со новата екстензија за прелистувач од Apple.
Преземете ја екстензијата тука. Иако се презема од продавницата на Google, лесно можете истата да ја активирате и на прелистувачот на Microsoft – Edge. По инсталација на екстензијата и кликнување на соодветното копче, кое е во форма на плав облак, ќе бидете замолени да преземете iCloud for Windows апликација. Ова, пак, се инсталира од продавницата на Microsoft. Звучи непотребно комплицирано, нели?
Во моментот кога ќе го средите тоа, добрата работа е тоа што лозинките кои сте ги создале преку Chrome и Edge од вашето PC автоматски ќе бидат синхронизирани и во iCloud. На тој начин, ефикасно ги синхронизирате сите лозинки независно од направата која ја користите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
