Норвешката компанија Opera Software, автор на популарниот прелистувач се ребрендира во Othello Corporation ASA, јави Reuters.
Компанијата е најпозната по развојот на Opera, но прелистувачот од 2016 година е во сопственост на кинески конзорциум. Во јули 2016 конзорциумот го купи прелистувачот за 600 милиони долари. Конечно зделката е финализирана минатиот месец, јави Next Web.
Промената на името е законска обврска на компанијата, бидејќи кинескиот конзорциум ги купи и правата на користењето на името.
Остатокот од компанијата, сега Othello, продолжува со развој на софтвер за реклами, телекоми, игри и онлајн бизниси. Заедно со новото име, ќе биде променето и препознатливото лого.
Прелистувачот Opera и Opera Mini ќе го задржат своето сегашно име.
