На неколку дена пред CES во Лас Вегас, Nokia го покажа новиот телефон. Компанијата HMD Global и немаше избор откако „протече“ видео од телефонот. Nokia 9 PureView е следниот „флегшип“ телефон на компанијата.
Уредот доаѓа со 5,99-инчен екран со 2К-резолуција; Snapdragon 845 процесор; 6GB RAM и 128 GB внатрешна меморија. Засега протече единствено промотивното видео за телефонот, а телефонот официјално би можел да биде претставен пред Mobile World Congress во февруари.
Сепак и без ништо да знаеме за телефонот, не може да не ни паднат во очи камерите. Телефонот ќе доаѓа со 5 камери со Zeiss оптика. Петте сензори значат дека телефонот слика 5 фотографии истовремено што ќе овозможи различен фокус или собирање на 10 пати повеќе светлина отколку со една, објасни Tom’s Guide.
Дополнително од видеото може да забележиме и дека сензорот за читање на отпечатоци е под екранот. Ова е прв пат оваа технологија да се користи во производите на Nokia.
Видеото доаѓа од @Evleaks кој вообичаено е во право со овие протекувања. Секако за повеќе податоци ќе биде потребно да почекаме на официјалната објава од Nokia.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
