Natural Reader е корисна алатка која ќе ви се најде доколку не можете или немате време да читате текст од екранот на вашиот компјутер. Со оваа алатка, текстот ќе биде читан за вас и тоа со британски, односно американски акцент или пак со бројни гласови од Европа. На текстот кој ќе ви се чита, можете да ја менувате брзината.
Алатката е достапна во desktop или онлајн форма, но и како екстензија за Google Chrome. Независно од верзијата, процедурата е едноставна и се состои од префрлување на текстот кој сакате да ви биде прочитан и кликнување на соодветното копче. Паралелно со ова, можете и да поставувате фајлови. Дислексичките корисници имаат специјално дизајниран фонт кој е полесен за читање.
За да користите Natural Reader не мора да создадете акаунт, но таквото нешто се препорачува доколку сакате повеќе опции, како библиотека за чување фајлови и уредувач на изговор. Исто така, бројот на форматите кои сакате да ги поставите е ограничен за корисниците на бесплатната верзија. Многу покорисни опции, како преточување аудио фајлови во текст или читање PDF документи и слики, се заклучени зад исклучително висок платежен ѕид од 100 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
