Кафето е феноменален пијалак, нема никакво сомневање во тоа. Токму поради тоа, некои навистина немаат мерка и пијат значително повеќе отколку што се препорачува на дневно ниво.
Cup Buddy е iOS апликација која е тука за да ја следи секоја ваша шоља кафенце, да ви објасни како истото функционира на вашиот физички и емоционален план, и да ви помогне да конзумирате онолку колку што ви е потребно, без да ги чувствувате негативните ефекти на кафето, како замор, анксиозност, дехидрираност и слично.
Cup Buddy следи над 180 различни пијалаци со кафе од целиот свет и ви нуди бројни можности за следење на вашите навики, така што ве потсетува кога е најдобро да (не) пиете (одредено) кафе.
Штотуку излезената втора верзија на Cup Buddy е значително подобра од претходната, како во поглед на визуелната, така и во поглед на функционалната страна. Како еден од многуте новитети е и воведувањето виџети и информативни известувања поврзани со вашите навики за пиење кафе.
