Музиката од видео играта Journey, која е изведена од Камерниот оркестар на Македонската радио телевизија, е прв саундтрак од видео игра кој е номиниран за Grammy награда. Композиторот Остин Витори кој е најзаслужен за музиката во играта за PlayStation 3, на изведбата на Камерниот оркестар беше „присутен“ преку Skype и Protools Source Connect.
Во 55-годишната историја на Grammy наградите ова е прва номинација на музика од видео игра. Композиторот Витори е во конкуренција на Хауард Шо за Hugo, Ханс Зимерман за The Dark Knight Rises и Џон Вилијамс за Tintin.
[youtube]lNHtReya_p0[/youtube]
Композиторот Витори истакнува дека му е непријатно што тој ќе ја предземе „славата“ за се што е направено во делот на музиката за видео игри.
„Ова одамна требаше да се случи… Се чувствувам речиси засрамено поради тоа што толку многу добра музика направена во последната декада остана без признание без некоја оправдана причина“.
Музиката за Journey е најпродавана музика од видео игра, а повеќе продажба од неа има единствено компилацијата на Guitar Hero III. Играта веќе ја доби наградата за најдобра музика на Spike TV наградите за видео игри. Музиката е додадена и во колекцијата на The Museum of Modern Art.
Целиот саундрак е објавен на iTunes.
[youtube]8vmLGQgLCHA[/youtube]
[youtube]6LyyLYxdpUQ[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
