Британската академија ги откри номинираните видеоигри кои годинава ќе се борат за BAFTA – British Academy Games Awards. Доделувањето на наградите е закажано за 12 март, а за нив оваа година се борат 51 игра во 17 категории. Помеѓу конкурентите има блокбастер како Middle Earth: Shadows Of Mordor, Alien: Isolation и Dragon Age: Inquisition, а можеби најпријатно изненадување (иако сосема заслужено) е номинацијата на Monument Valley. Најмногу номинации годинава има Alien: Isolation со шест, а по неа следат Far Cry 4 и Monument Valley со 5. Најголеми кандидати за наградата за најдобра видеоигра годинава се Middle Earth: Shadow Of Mordor, Dragon Age: Inquisition, Monument Valley и Mario Kart 3.
Покрај игрите за награда ќе се натпреваруваат и актерите кои го позајмија својот глас на карактерите. Ниминирани се Адам Харингтон за Bigby Wolf во Wolf Among Us, Ешли Џонсон Ellie во Last of Us: Left Behind, Кевин Спејси Jonathan Irons во Call of Duty: Advanced Warfare, Логан Канингам за Transistor во истоимената игра, Мелиса Хатчисон како Clementine во Walking Dead: Season 2 и Трој Бејкер за Pagan Min во Far Cry 4.
До доделувањето на наградите има уште еден месец, но барем отсега може да ве прашаме кои се вашите фаворите за наградата BAFTA.
[youtube]IJog7LQihe4[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
