Со цел да ја подобрат својата услуга на мобилните уреди, New York Times се реши да ја блокира десктоп страната за вработените во весникот. Секој пристап до страната вработените ќе можат да го направат преку паметен телефон или таблет компјутер.
It’s @nytimes mobile week! We’re blocking access to desktop home page in our building. What you’ll see: pic.twitter.com/qjV9uDd8K3
— Clifford Levy (@cliffordlevy) June 15, 2015
„Повеќе од половината од нашите читатели пристапуваат до сервисот преку мобилна платформа. Ова треба да го правите и вие“, вели Клифорд Леви во пораката испратена до вработените до New York Times. Тестот ќе трае една недела и во овој период вработените ќе мораат да се запознаат со мобилната верзија на страната. New York Times се надева и дека поширокото користење на мобилните платформи ќе овозможи и подобар квалитет на услугата, но и дека некои од вработените ќе добијат нови идеи за подобрување на услугата. Блокирањето важи за сите вработени во медиумот од новинарите до вработените во сметковотсво и човечки ресурси, па доколку некој од нив добије нова идеја ќе може да ја сподели, се со цел подобрување на услугата за крајните корисници.
