Еден од најпрестижните универзитети за технички науки, MIT креира нов колеџ. Колеџот ќе биде фокусиран на вештачка интелигенција, а веќе е планирана инвестиција од 1 милијарда долари, јави New York Times.
Од планираните средства веќе се обезбедени две третини, a наставата започнува веќе следната година. До 2022 година колеџот за вештачка интелигенција ќе се пресели во сосем нова зграда која не е дел од постоечкиот кампус на MIT.
Еден од најголемите предизвици на оваа генерација на истражувачи нема да бидат техничките знаења и проблеми. Најголем проблем ќе бидат етичките и друштвените предизвици.
Новата катедра ќе биде мултидисциплинарна, а ќе се изучуваат и биологија, хемија, политички науки и јазици. Оттука помалку и се забележува насоката на студиите. Факултетот ќе се обиде да креира кадри кои имаат одлични познавања во две области. Едните секако се технички познавања, а вторите се од другата област која техничките ќе ја поддржуваат.
Колеџот ќе креира можности за привлекување на студенти за хуманитарни науки на MIT, универзитет кој е познат по својата техничка катедра, вели Мелиса Нобл, декан на катедрата за хуманитарни науки, уметности и друштвени науки.
