Microsoft се премисли и најави дека Windows 8 Store ќе продава видео игри за возрасни и надвор од САД. Игрите наменети за корисниците над 17 во САД, или над 18 години во Европа, досега не беа предвидени за продажба преку дигиталната продавница во Европа.
Постоеше опасност игри како Dishonored, Assassin Creed, Skyrim кои се класифицирани како „R“ во САД, односно „PEGI 18“ во Европа да не се објавуваат во Windows 8 Store за Европа. Проблемот е во разликата на рејтинзите, па 18+ години во Европа е во согласност со одлуката на Microsoft да забрани било какви содржини „за возрасни“. Оваа мерка Microsoft ја презема пред се за да ја исфрлат порнографијата од својата продавница, но со 18+ ограничувањето некои видео игри „се протнале“ во оваа категорија. Антоан Леблонд од Microsoft за Gizmodo изјави дека е направен превид, па видео игрите ќе бидат иземени од забраната и покрај PEGI 18 рангирањето.
Во интервјуто г. Леблонд изјави и дека нема намера Windows 8 да биде затворен, па ја покани конкуренцијата пред се Steam и Origin, да продолжи со продавање на видео игри и апликации за десктоп платформата.
„Сакаме светот на десктоп апликации да постои и надвор од Windows Store, не постои причина да застанеме на патот на ова. Valve ќе продолжи да биде Valve и сè уште ќе можете да ја купите Skyrim од таму.“ , истакна г. Леблонд.
Ова не е прв проблем кој го има Microsoft со видео игрите, многу независни дизајнери целосно не се согласуваат со компанијата, најгласен, за сега е креаторот на Minecraft, Маркус Персон кој изјави дека е подготвен на забрана за Minеcraft, но нема да игра по правилата на Microsoft.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
