Microsoft се надева дека ќе успее да ја наметне својата платформа за видео игри Xbox Live и на останатите мобилни оперативни системи. Компанијата планира наскоро да ја издаде Xbox Live за iOS и Android уредите, јавуваат извори на Verge. Веста ја потврдува и оглас за кариера во Microsoft кој повеќе не е достапен на официјалната страна на компанијата, но покажува дека Microsoft бара девелопери кои ќе помогнат за креирање на модерна платформа со отворен код, која ќе биде со ниски побарувања, ќе може да се прошири и ќе биде скалабилна на различни платформи, како Windows Phone, Windows Store, iOS и Android.
Со ова компанијата сака Xbox да биде присутен на секоја платформа, а со ова на девелоперите би им било полесно да додаваат Xbox Live функции за своите игри. Ова повеќе се однесува на игрите за телефони и таблети кои се апликации кои најдобро заработуваат и во Google Play и во App Store. Со оглед на тоа дека и Google и Apple веќе имаат Microsoft Xbox Live треба да биде алтернатива на овие услуги.
Се чини дека компанијата се откажува од фаворизирање на сопствениот мобилен оперативен систем и наскоро ќе може да видиме ушто повеќе апликации кои до неодамна беа ексклузивни за Windows Phone. Microsoft пред еден месец го издаде Bing Rewards за Android и iOS со што на корисниците им овозможува да добијат Microsoft Credit со користење на сервисите на компанијата, а со кој подоцна би добиле поволности или подароци. Освен ова тука се и Nokia Android телефоните, за кои изгледа неверојатно дека финската компанија ги издава со Android, без дозвола од Microsoft.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
