Microsoft работи на нов имејл сервис, поточно мобилна апликација, која ќе им овозможи на корисниците комуникација во реално време, јави ZDNet. Новата апликација Flow ќе биде додаток на Outlook, и своето деби ќе го има на iPhone.
Апликацијата ја откри и ја сподели на Twitter h0x0d, а според споделените податоци апликацијата ќе го поедностави користењето на Outlook. Flow не е самостојна апликација и за неа ќе биде потребна преинсталирана Outlook апликација. Flow за Outlook на некој начин ќе биде она што е Qik за Skype, вели ZDNet. Skype Qik е алатка која овозможува едноставен видео разговор, која е побрза и поедноставна за користење од Skype.
За сега од Microsoft не споделуваат податоци за Flow.
well Microsoft, if it really confidential, don't put it on publicly accessible Internet, LOL. pic.twitter.com/BX0Bw0SpKw
— WalkingCat (@h0x0d) May 19, 2015
