Дискусијата која верзија на „Зајди зајди“ која се наоѓа на саундтракот на новата Battlefield 1 не е завршена; македонска музика сè уште нема на радио и телевизија. Затоа огромно изненадување е што една кул вест оваа недела е токму од македонската музика. Насловната песна на најпопуларната стратегија Civilization VI ја изведува Македонската филхармонија.
Композитор на „Sogno di Volaree“ (Сонот за лет) е Кристофер Тин, текстот е на Леонардо да Винчи со адаптација на Чиара Кортез. Покрај Abbey Road Studios, Skywalker Sound, The Bridge песната е снимана и во М1 студиото на Македонската радио телевизија. Диригент е Олег Кондаренко кој можеби дел од читателите го помнат од Journey.
Читателите кои подолго го следат IT.mk најверојaтно се сеќаваат дека музиката од Journey, која е добитник на BAFTA е изведена од истиот оркестар. Диригентот Олег Кондаренко е диригент и на двете композиции.
(tnx до Милан Тасевски за линкот)
