LG Electronics e вториот производител, по Motorola, кој го претставува својот паметен часовник кој ќе работи на новата платформа на Google за паметни часовници, Android Wear. Паметниот часовник на LG, едноставно именуван како G, ќе се појави во наредните месеци и ќе ги има сите функционалности кои се најавени со Android Wear.
Паметниот часовник на LG, кои имаат добра соработка со Google во производството на два Nexus телефони, ќе работи со гласовната „OK Google” командата, како и Moto 360. Тоа што е поразлично од Moto 360 е што моделот на LG е со коцкаст екран. Но, освен тие функционалности кои ги нуди Android Wear во моментот не се знае многу за хардверските спецификации на LG G.
