Lenovo и Xiaomi не се повеќе на листата на 5 најпродавани паметни телефони. Заменети се од кинеските компании Oppo и Vivo, се вели во анализата на IDC која за првото тримесечие на 2016 година покажува минимален раст на пазарот.
Samsung и Apple повторно се на врвот на листата, но бројките и на двете компании се полоши од бројките од истиот период минатата година. Телефоните на Samsung забележаа пад на продажбата од 0,6 отсто, но крајот на март и Galaxy S7 допринесоа за подобри бројки. Apple пак забележа пад од 16,3 отсто, а се чини дека главна причина за ова е што Apple не успеа да ги убеди своите корисници да го заменат својот телефон со најновитe модели iPhone 6S и iPhone 6S Plus. Последното место на оваа листа е за Huawei кој доминира на кинескиот пазар, но за разлика од Lenovo, Oppo, Vivo и Xiaomi има поголем удел и надвор од Кина.
Анализата покажа дека најголем дел од корисниците не се верни на една компанија, туку ги менуваат телефоните. Но она што можеби е и поинтересно е дека најевтините телефони не се повеќе најкупуваните, па така телефоните на Xiaomi и Lenovo во просек се продаваат за помалку од 200 долари, а Huawei, Oppo и Vivo доаѓаат за 250 долари. „Претпоставуваме дека за почеток корисниците купуваат најевтин телефон, но кога ги купуваат следните сакаат малку поскапи модели. Сепак имајте предвид дека зборуваме за разлика од 150 на 250 долари, на телефони кои доаѓаат со договор разликата е минимална,“ вели Рајан Реит од IDC, за Verge.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Смартус 
