Авторот на Linux, Линус Торвалдс не одбираше зборови во својата критика кон Intel. Тој зборуваше за безбедносниот пропуст Meltdown и безбедносните закрпи кои ги издава Intel, и ги нарече тотално ѓубре. Овие зборови се дел од јавен имејл ланец.
„Буквално прават луди работи, работи кои воопшто немаат смисол“, вели г. Торвалдс за закрпите. „Некој овде не ја кажува вистината. Некој пушта тотално ѓубре од нејасни причини. Жал ми е што морам да го истакнам ова“.
Торвалдс всушност има решение кое ќе им се допадне на корисниците, но не и на компаниите. Единствен начин за надминување на проблемот е производителот, во случајот Intel, да ги повлече сите процесори од последните 20 години и да ги замени. Ова ќе биде прескапо за компанијaта, па затоа Intel издава закрпи.
„Игнорираат многу поголем проблем, имено целиот хардвер интерфејс е буквално погрешно дизајниран од морони“.
Indirect Branch Restricted Speculation решението на Intel е толку неефикасно што негова имплементација значително ќе ги намали перформансите, вели TechCrunch. Поради ова, поправањето на Meltdown не е задолжително, а додадени се непотребни работи за да направат закрпата да изгледа поголема.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
