Креаторот на Android, Енди Рубин повторно ќе го предизвика Apple

Енди Рубин познат како таткото на Android, еднаш веќе го предизвика Apple со креирањето на Android. Сега претставува паметен телефон, кој е предизвик за Apple, но можеби многу повеќе за производителите на Android уреди. Телефонот кој доаѓа од креаторот на Android доаѓа под името Essential.

Дизајнот на новиот телефон е еден од најубавите кои сме ги виделе досега. Главна одлика на новиот телефон е екранот кој е од крај до крај на уредот, со мала дупка за предната камера. Она што можеби не се забележува на прв поглед е недостатокот на лого. Essential доаѓа без никаква ознака.

Телефонот доаѓа со Qualcomm 835 processor, 4GB of RAM и 128GB слободен простор. Камерите се со резолуциија од 13 и 8 MP, и можност за снимање на видео со 4К-резолуција. Дополнително, има простор и за додавање на 360º-камера, но ова ја покачува цената на телефонот.

Цената на Essential e 700 долари и за почеток ќе биде достапен единствено во САД.

Новата компанија можеби доцни на пазарот за паметни телефони, но таман на време е на пазарот на паметни уреди. Essential го претстави Home, директен конкурент на Amazon Echo и Google Home.

Уредот овозможува управување со куп паметни уреди, како звучници, термостати, паметни светилки и слично. За разлика од конкуренцијата Home доаѓа со дисплеј, но и стандардна функционалност за гласовно активирање.